ang Tanging Yaman

Panalangin para sa Kanyang Dakilang Awa
Ama namin, Ako po ay nanalig sa’yong Dakilang Habag.
Alisin Mo po ang kasakiman sa aking isip at puso,
palitan Mo po ito ng Iyong walang hanggang pag-ibig,
ng sa ganon, ako ay maging tagapag-dala ng Iyong dakilang pagmamahal.

Nawa, ako ay maging tahanan sa mga taong walang masilungan,
maging higaan sa mga taong gustong magpahinga.
Nawa, ako ay maging lunas sa mga taong maysakit at nanghihina,
alagaan sila hanggang ang kanilang nararamdamang pighati ay mabigyan ng lunas.

Nawa, ako ay maging simpleng pagkain na bubusog sa kanilang mga sikmura,
maging tubig sa oras na sila ay nauuhaw.
Nawa, ako’y gawin Mong isang may sinding kandila
sa mga taong naghahanap ng Iyong liwanag at
maging gabay sa mga taong naliligaw ng landas.

Nawa, ako’y maging tagapaghatid ng Iyong saya sa oras na sila ay
nalulumbay at nag-iisa.
Huwag Mo po sanang ipahintulot na may masaktan ako ng kalooban,
dahil sa aking maling kilos at salita.

Sa mga taong nagmamahal o nagagalit sa ‘kin,
Sa mga taong palaging sinasaktan ang aking kalooban at hindi ako nauunawaan,
Palagi Mo po silang gabayan at pagpalain katulad ng iyong pag-gabay sa akin.

Ang lahat ng ito’y itinataas ko Sa’yo, aking Panginoong Hesukristo.

Amen.

Ina’y Maria ipanalangin mo po ako ng sa ganun ang lahat ng ito’y aking magawa..

St.Francis of Assisi, Blessed Mother Teresa… ipanalangin mo ako!

marketing podcast